सैनिक आम्ही

सैनिक आम्ही शिवरायांचे 

सैन्य आमुचे खडे 

हाकेसरशी युद्ध गर्जना

 आस्मानाला भिडे||धृ||

 महाराष्ट्राची अजिंक्य माती 

सैनिक आम्ही निधडी छाती

 तळपे आमुच्या भगवा हाती

 साक्ष द्यावया चहुबाजूला 

सह्याद्रीचे कडे||१||

 संदेश येई तुफान वेगाने

गीत तयांचे गर्जुनी सांगे

 मायेचे हे तुटले धागे 

धरु वाटही रणांगणाची 

गनिमा चारू खडे||२||

करू प्रतिज्ञा एकदिलाने 

आता गुलामी नच भोगणे 

 देशासाठी प्राण अर्पिणे

 स्वराज्यातून सुराज्य हे 

विचारांतून घडे ||३||

भाषा आमची मायमराठी 

विकास घडवू आपल्या हाती

 शत्रूपाठी घालू लाठी

 घेता शपथा शिवरायांच्या 

पावित्र्याचे सडे ||४||